Showing posts with label controversy. Show all posts

Ang Sakit na “SCOOPOMITIS” ng Media

Ni Apolinario Villalobos

HINDI DAPAT IPINAGYAYABANG NG MGA OPISYAL NG MILITARY ANG MGA ACTUAL OPERATIONS NILA SA PAMAMAGITAN NG PAG-IMBITA SA MGA TAGA-MEDIA NA MAG-COVER NG MGA ITO AT CLOSE RANGE O MALAPITAN, LALO NA ANG GINAGAWA NG MGA MAY HAWAK NG RADIO O COMMUNICATIONS FACILITIES NILA. DAPAT ISIPIN NG MGA OPISYAL NA NAKA-HOOK O NAKA-CONNECT DIRECTLY ANG MGA TAGA-MEDIA SA MGA PUBLIC MONITORS TULAD NG TV AT RADIO KAYA MARIRINIG KUNG ANO MAN ANG SABIHIN NG MGA NAG-RARADYO SA HEADQUARTERS O COMMAND POST. IBIG SABIHIN MARIRINIG NG BUONG BAYAN PATI NG MGA KALABAN ANG MGA IMPORMASYON TULAD NG LOCATION NILA, KAKULANGAN NG MGA GAMIT NA KAILANGAN NILA, ETC.

DAPAT GAMITING LEKSIYON ANG NANGYARI SA “LUNETA SIEGE”, NOONG KAUUPO PA LANG NI PNOY AQUINO BILANG PRESIDENTE NG PILIPINAS. NA-HOSTAGE ANG ISANG BUS NG MGA CHINESE TOURISTS AT SA LUNETA PINARADA ANG SASAKYAN. SA KATANGAHAN AT KAYABANGAN NG MGA TAGA-MEDIA, KINUNAN NILA ANG MGA GINAGAWA NG MGA PULIS SA LABAS NG BUS, BINOBRODKAST DIN NG MGA REPORTER ANG MGA SENSITIBONG IMPORMASYON TULAD NG IBA PANG LOKASYON NG MGA PULIS NA ANG IBA AY NAKADIKIT NA SA BUS AT MGA PLANO NILA DAHIL PATI INTERVIEW NILA SA “COMMANDER” NG PULIS AY PINARINIG DIN AT IPINAKITA SA PUBLIKO. NAKALIMUTAN NILANG MAY TV MONITOR SA LOOB NG BUS KAYA NARIRINIG AT NAKIKITA NG HOSTAGE-TAKER ANG LAHAT NG MGA GINAGAWA NG MGA PULIS!

YAN ANG SAKIT NG MEDIA – “SCOOPOMITIS” (SARILI KONG TERM)….NAG-UUNAHAN SILA PAGKUHA NG MGA SCOOP KAHIT HINDI VERIFIED KAYA KUNG MINSAN, NAPAPAHIYA SILA. HINDI NILA NAIISIP NA NAKO-COMPROMISE NILA ANG OPERATIONS NG PULIS MAN O MILITARY. ANG INIISIP LANG NILA AY PANSARILING LAYUNIN NA MAKA-SCOOP.

HINDI MASAMA ANG MAG-COVER NG PANG-SCOOP NA MGA PANGYAYARI SUBALIT ANG MGA ANCHORS NA NASA ISTASYON AY DAPAT MAGING MAINGAT SA PAG-RELAY NG MGA IMPORMASYON SA PUBLIKO. MAY KAKAYAHAN SILANG PUMILI KUNG ANO ANG IBOBRODKAST UPANG HINDI MA-COMPROMISE ANG MGA SENSITIBONG POLICE OR MILITARY OPERATION. ANG MASAKLAP LANG DAHIL SA COMPETITION, NAGPAPAGALINGAN ANG LAHAT NG MGA MEDIA OUTLETS, BROADCAST MAN O PRINT, SA PAGBABALITA. DAHIL DIYAN WALA SILANG PAKIALAM KUNG MA-COMPROMISE ANG SEGURIDAD NG MGA PULIS AT MILITARY, LALO NA NG BUONG BANSA!

AT, ANG PINAKAMATINDI AY KAPAG NAGAMIT ANG ILANG TAGA-MEDIA NG MGA PULITIKO O MGA KRIMINAL….NAGING BAYARAN O NAKALISTA SA PAYROLL.

UNSOLICITED NA PAYO KO SA MGA TAGA-MEDIA: HUWAG GAWING SHOOTING NG PELIKULA ANG PAG-COVER NG MAG SENSITIVE OPERATIONS NG PULIS AT MILITARY AT MAGING INTELIHENTE SA MGA GINAGAWA LALO NA SA MGA ISINISIWALAT TUNGKOL SA MGA NANGYAYARI SA GOBYERNO DAHIL KAPAG ANG ISANG BAGAY AY NAIBALITA NA, MAHIRAP NA ITONG BAWIIN O ITUWID DAHIL HINDI LAHAT NG MGA UNANG NAKARINIG AY MAKAKARINIG ULI NG PALIWANAG UPANG MAKOREK ANG PAGKAKAMALI!

Ang “Singit- Bala” sa Manila International Airport

Ni Apolinario Villalobos

Lahat na lang yata ng raket ay naiisip ng mga kawatang Pilipino, at batay pa mandin sa mga batas na umiiral dahil sinisilipan nila ng mga butas. Ang pinakahuli ay ang pagsingit ng bala sa bagahe ng mga pasahero sa airport, na ginagawa ng mga nakatalaga sa pag-inspect ng mga ito. Ang kapirasong bala na totoong itinuturing ng ibang mga Pilipino at ng ibang lahi na anting-anting dahil ito ay gawa sa tanso, ay hindi pinapalampas dahil sa katagang “ammunition” na nakapaloob sa batas. Subalit paano naman itong magiging deadly kung walang lamang pulbura at kahit may lamang pulbura ay walang kasamang baril? Magiging deadly weapon lamang ito kung itutusok sa mata o isasalaksak sa ilong ng kaaway upang hindi ito makahinga, o di kaya ay ipangiliti upang mamatay sa katatawa ang kalaban.

Kinakasangkapan ng mga hangal na mga tauhan ng OTS na nakatalaga sa pag-inspection ng mga bagahe ang kagipitan sa panahon o oras ng mga pasahero kaya nagmamadali lalo na ang may mga connecting flight, at upang hindi maabala sa biyahe ay pumapayag na lamang na “maglagay” ng dinidiktang halaga. Nabisto tuloy na talagang may sindikato sa airport na kung tawagin ay “OTS 500”. Hindi lang malinaw kung ang “500” ay tumutukoy sa minimum na lagay ng mga pasaherong ang bagahe ay tinamnan ng bala.

Ang Office for Transportation Security (OTS) na nasa ilalim ng DOTC na pinamumunuan ni Abaya, ay katumbas ng MMDA Traffic Constable Group - mga sibilyan. Ang nakapagtataka lang ay kung bakit nagkaroon pa ng ganitong grupo ganoong mayroon na rin namang AVSECOM, at kung sibilyang security group naman ang kailangan ay nandiyan din ang mga “blue guards”. Marami ang nakakapansin na dahil sa dami nila, karamihan ay pakalat-kalat na lang daw sa loob ng airport, lalo na sa check-in area.

Ang mga tauhan ng OTS ay kulang sa kaalaman sa paghawak ng maselang operasyon sa airport. May mga aspeto ang operasyon na matiyagang pinag-aaralan ng matagal ng mga miyembro ng airport police o aviation security, lalo na pagdating sa paggawa ng imbestigasyon. Subalit kung may nakaplano nang gagawing tulad ng raket na pagtanim ng bala sa bagahe, hindi na kailangan pang mga kaalaman dahil gagawa na lang sila ng “drama”…at ayos na!

Malaki ang problema ng Pilipinas dahil ang bukana nito na international airport terminals ay pinamumugaran ng mga kawatan, kaya pagdating pa lang ng mga balikbayan at turista, masusuka na agad sila sa umaalingasaw na amoy ng katiwalian. Ang pinakahuling raket ng mga kawatang ito ay nakakatawa ngunit nakakaperwisyo ng malaki. Magsunud-sunod ba naman ang mga insidenteng nahulihan daw ng bala sa bagahe, kaya parang lumalabas na bago umalis ang mga pasahero ay dumadaan silang lahat sa Quiapo upang bumili ng bala na gagamiting anting o di kaya ay nakipagkita sa isang ermitanyo sa paanan ng bundok Banahaw upang bumili nitong balang anting-anting. At, dahil sa mga karanasan ng mga paalis na mga turista, paano pang aasahang lalakas ang turismo ng bansa, dahil may kasabihang, : news flies fast by word of mouth.

Ang Malakanyang naman ay walang ginagawa o hindi kumikibo, kahit tumitindi na ang mga pangyayari. Ang patakaran kasi ni Pnoy ay hayaan ang mga ahensiya na umaksyon sa kani-kanilang balwarte. Ang masama lang ay mahina ang mga namumuno kaya walang napaparusahan, dahilan upang lumakas ang loob ng mga tauhang na nasa “ibaba” ang gumawa ng kalokohan. Yan ang matuwid na daan ni Pnoy Aquino…at ano pa nga ba ang pakialam niya dahil patapos na ang kanyang termino?