Showing posts with label European Union. Show all posts

Ang Droga sa Pilipinas at Pakikialam ng European Union at Amerika

Ni Apolinario Villalobos

Noong unang panahon…pinaghatian ng ilang bansa sa Europe ang buong mundo. Nag-unahan sila sa pagkamkam ng mga isla kahit may mga katutubo nang nanirahan sa mga ito. Kasama sa listahan ng mgangangamkam ang England, Holland, Russia, Germany, Hungary. Kabilang sa kanila ang mga bansa sa Mediterranean na tulad ng Espanya at Portugal na gumamit naman ng mapagkunwaring misyong ispirituwal na ang simbolo ay krus. Bandang huli na sumali ang Estador Unidos na binuo ng mga estadong nagbuklod-buklod. Ang mga “Amerikano” na bumuo ng malaking komunidad sa “New World” na ang bukana ay California, ay galing sa England, Pransiya, Germany, Holland at iba,  upang takasan ang paghihigpit at pagmamalupit ng kani-kanilang hari at reyna. Sa pangangamkam ng mga Amerikano sa dinayo nilang mga palanas at gubat ay naitaboy nila ang mga katutubo na tinawag nilang “Indian”. Ang tawag na yan ang popular na ginamit noong unang panahon sa pagtukoy sa mga katutubo ng mga kinamkam na mga isla….kasama na diyan ang mga katutubo sa kapuluan ng Pilipinas na tinawag na “Indio” ng mga Kastila.

Sa pag-usad ng panahon naging maunlad ang mga bansang mangangamkam dahil sa “industrialization” na ang pinaka-pundasyon o mitsa ay ang paggamit ng “fossil fuel” o mga panggatong na nakaimbak sa ilalim ng lupa tulad ng uling at langis. Dahil sa sobrang kasakiman ng mga mangangamkan, hindi nakontrol ang paggamit ng mga panggatong hanggang masira ang bahagi ng kalawakan na nagbibigay proteksiyon sa mundo (ozone layer) laban sa matinding init ng araw – napunit dahil sa carbon dioxide na ibinuga ng mga factory o pagawaan. Nadamay ang mga maliliit na bansang (third world countries) walang kamuwang-muwang sa “industrialization”. Sa kasamaang palad, ang mga “third world” countries na nagsisimula pa lang umarangkada ay ayaw nang pagamitin ng “fossil fuels” sa pamamagitan ng mga mapanlinlang na “treaties” o kasunduan sa pagitan nila at mga mangangamkam na malalaking bansa, upang mailigtas kuno ang kalikasan….ganoong ang mga hinayupak na mangangamkam na mga bansang ito ang sumira!

Hindi lang sa paggamit ng mga “fossil fuel” nakikialam ang malalaking bansang mangangamkam sa mga bansang maliliit lalo na ang mga nasa Timog-Silangang Asya, kundi pati na rin sa pagpapatakbo ng pamahalaan. Ang isang halimbawa ay ang pakikialam ng European Union sa mga ginagawa ni Duterte upang matigil ang droga sa Pilipinas. Ibinunyag ni Duterte na hindi na ligtas sa epekto ng droga ang gobyerno dahil maraming nagtatrabaho dito, lalo na sa hanay ng kapulisan ay lulong na rin sa droga. Ang mga barangay na siyang pinaka-pundasyon (foundation) ng lipunan ay nasa impluwensiya na rin ng bisyo dahil maraming Barangay Chairmen ay may kinalaman na rin dito.

Sa Europe ay okey lang na maglipana ang mga durogista dahil suportado ng gobyerno ang pagpapagamot, sa Pilipinas ay iba ang sitwasyon dahil gamot nga lang sa pagta-tae o LBM at lagnat ay mahal na…paano pa kung ang pag-uusapan ay mga rehab center na mga high-class na ospital lang ang mayroon…ang tinatawag nilang “basement”? Mabuti nga at sa pag-upo ni Duterte ay binigyan agad niya ang problemang ito ng pansin kaya may magagamit nang mga rehab centers sa Davao, Bukidnon at Nueva Ecija.

Malaking balakid sa pagbabago ng Piilipinas ang pakikialam ng European Union at Amerika na ang mga pinaghihinalaang “sulsol” ay mga Pilipino rin na natigil ang milyo-milyong kinikita nang maupo si Duterte!

Masasabing nagsanib-puwersa ang dalawang uri ng demonyo sa mundo - ang mangangamkam at mapaglinlang na mga mauunalad na bansa sa Europe, pati Amerika, at ang mga demonyong Pilipino na ang gusto ay patuloy na nabubuhay at pagala-gala sa Pilipinas ang mga adik, drug pusher at mga drug lords, pati mga corrupt sa gobyerno!

ANG UNITED NATIONS, AMERIKA, EUROPEAN UNION

AT PANDUDURO NILA KAY DUTERTE

Ni Apolinario Villalobos

ANG INTERNATIONAL CRIMINAL COURT NG UNITED NATIONS AY NAGPAPAKITA NG UNFAIRNESS SA PILIPINAS. NAKIKISAWSAW ITO SA MGA PAGPUNA NA GINAGAWA NG ESTADOS UNIDOS AT EUROPEAN UNION KAY DUTERTE.  NAGBANTA PA NA SIGURADONG MAKAKARATING SA KANILA ANG ISYU TUNGKOL SA EXTRAJUDICIAL KILLING SA PILIPINAS, DAHIL PINAPALABAS NITONG KORTE NA STATE POLICY KUNO ANG NANGYAYARING PAGPATAY SA MGA ADIK, DRUG PUSHER AT DRUG LORD. PRE-JUDGEMENT ANG GINAWA NG NASABING KORTE, GANOONG MALINAW NA TULAD NG NANGYAYARI SA SOUTH AMERICA, ANG PATAYAN SA PILIPINAS AY SA PAGITAN NG MGA TAONG SANGKOT SA DROGA.  ANG MGA PINAGHIHINALAANG MGA SANGKOT NA “NINJA COPS” AY HINAHABOL NG MGA KAPWA NILA PULIS BILANG PATUNAY NA LABAN DIN ANG GOBYERNO SA MGA TIWALING PULIS. ANG HINDI BINIBIGYAN NG PANSIN NG MGA BUMABATIKOS AY ANG POSIBILIDAD NA ANG MGA HUWES NA BAYARAN AY MALAMANG NASA PUWESTO PA RIN AT NAGPAPALAMIG LANG. ANG MGA BAGAY NA YAN ANG DAPAT NILANG PAGTUUNAN NG PANSIN….HINDI SI DUTERTE!

DAHIL WALA NAMANG AKTUWAL NA KAALAMAN ANG UNITED NATIONS AT MGA BANSANG PANAY ANG PAGBATIKOS KAY DUTERTE, MALINAW NA SILA AY NASUSULSULAN NG MGA GROUPO NG MGA BANYAGA AT PILIPINONG DRUG LORDS, AT ANG HINALA PA NG IBA, AY PATI NA NG CIA NG AMERIKA, NA NOON PA MANG PANAHON NI MAGSAYSAY AY NAKIKIALAM NA SA PILIPINAS. HALATANG MALAKAS ANG MGA GRUPONG NANINIRA SA PANGULO NA SABI NG IBA AY NAKATIGIL SA AMERIKA AT MAY MGA KONTAK SA PILIPINAS.

ANG MASAKLAP LANG,  PATI MGA TAONG SIMBAHAN NA INAASAHANG MAGSUPORTA SANA SA PANGULO UPANG MASUGPO ANG KRIMEN AY NAKIKISAWSAW DIN TULAD NG MGA HUMAN RIGHTS ADVOCATE KUNO. NAKIKIINGAY DIN SILA PARA LANG MASABING LABAN SILA PAGPATAY DAHIL “IMMORAL”, SUBALIT ANG MGA PINAPANIGAN NAMAN AY MGA KRIMINAL, SAMANTALANG HINDI NAMAN NILA BINIBIGYANG PANSIN ANG MGA BIKTIMA...NASOBRAHAN YATA  SILA SA PAGKA-PROLIFE KUNO!

DAPAT ANG PAGTUUNAN PA RIN NILA NG PANSIN AY ANG MGA PINANGGAGALINGAN NG DROGA NA AYON SA BALITA AY NORTH KOREA AT CHINA. SAMANTALANG ANG MGA HIGH-END NA PARTY DRUGS NA GINAGAMIT NG MAYAYAMANG ADIK AY GALING NAMAN SA AMERIKA AT EUROPE….MISMONG SA BAKURAN NG MGA BUMABATIKOS KAY DUTERTE! BAKIT HINDI NILA BATIKUSIN ANG NORTH KOREA AT CHINA TUNGKOL SA BAGAY NA ITO, PATI NA ANG MGA BANSA SA EUROPE NA PINANGGALINGAN NG PARTY DRUGS, DAHIL MAY MGA RECORD NAMAN KUNG SAAN GALING ANG MGA ITO?

NOONG ‘80s, NANG PUMUNTA AKO SA GERMANY KASAMA ANG DALAWANG KAIBIGAN NA TAGA-PHILIPPINE AIRLINES DIN,  GINAWA NAMIN ANG GERMANY NA JUMP-OFF POINT SA PAGLIBOT NAMIN SA EUROPE. DOON AY NAPANSIN KO ANG TALAMAK NA PAGGAMIT NG MARIJUANA….HALOS HANTARAN. HINDI RIN PINAPANSIN ANG MGA NAGBIBILOT NG MARIJUANA KAHIT SAANG KANTO. PAGDATING NG HAPON, NAGTITIPON ANG MGA HUMIHITIT SA MGA CAFÉ AT BAR AT NAGPAPASAHAN NG MARIJUANA. ANG KAIBIGAN KONG NAGSAMA SA AKIN SA EUROPE AY MGA MARIJUANA SMOKER KAYA MAS GUSTO NILANG MAGBAKASYON SA EUROPE DAHIL SA KALUWAGAN DOON SA BISYONG ITO. ANG MGA GUMAGAMIT NG MARIJUANA SA EUROPE AY MAY LAGAYAN PA NA MAY TATAK NG DAHON – MGA BELT BAG AT PALAWIT NG KUWENTAS NA MALAKING SACHET NA GAWA SA TELA. MAY INABOT KAMING MUSIC FESTIVAL SA GERMANY AT SA MALAWAK NA OPEN AREA, ANG MGA KABATAAN AY WALA RING PAKUNDANGAN SA PAGHITIT NG MARIJUANA.

NGAYON, HINDI LANG MARIJUANA ANG TALAMAK SA EUROPE, KUNDI PATI MGA HIGH-END DRUGS NA ANG PINAKA-BASE O MAHALAGANG BAHAGI SA PAGGAWA AY COCAINE.  KALAUNAN, DAHIL SA “KATALINUHAN” NG MGA PILIPINONG NEGOSYANTE NA GUSTONG KUMITA AGAD NG MALAKING PERA,  ANG INAANGKAT NILANG PARTY DRUGS AY PINAPADAMI SA PAMAMAGITAN NG PAGLUTO ULI AT PAGDAGDAG NG INDUSTRIAL CHEMICALS NA NAKAKA-HIGH DIN, AMOY PA LANG. BINEBENTA NILA ANG MISTULANG LASON NA PAMPA-“HIGH” SA MGA ROCK CONCERTS NA INO-ORGANIZE NILA. KAYA PALA AYAW NILANG MAGPAPASOK NG MGA PULIS AT SNIFFING DOGS SA MGA VENUE NA INUUPAHAN NILA PARA SA ROCK CONCERTS!

DAHIL SA  KATANGAHAN O PAGTATANGA-TANGAHAN NG OTORIDAD  AT PATI NG MGA VENUE OWNERS NOONG HINDI PA UMUUPO PA SI DUTERTE, HINAYAAN NILANG MANGYARI ANG ANIMO AY “DRUG TIYANGGE” TUWING MAY ROCK CONCERTS. HINDI PWEDENG HINDI ALAM ANG MGA PANGYAYARI DAHIL SA PANIG NG MGA OTORIDAD, AY MAY MGA “INTELLIGENCE UNITS” SILA AT PALAGING NABA-BLIND ITEM PA SA MGA BALITA ANG PAGGAMIT NG DROGA SA LOOB NG CONCERT VENUES NA ANG MGA TIKET AY SOBRANG NAPAKAMAHAL KAYA MGA MAYAYAMAN LANG ANG MAY KAYANG BUMILI. KALAT DIN ANG BALITA TUNGKOL SA BENTAHAN NITO SA MGA HIGH-END NA BAR O INUMAN SA MAKATI AT PASIG, SUBALIT KUMILOS LAMANG SILA NANG UMUPO NA SI DUTERTE. SA PANIG NAMAN NG VENUE OWNERS, NAGBUBULAG-BULAGAN NA LANG SILA, DAHIL MAS MAHALAGA ANG KIKITAIN KAYSA KAPAKANAN NG MGA MABIBIKTIMA, SUKDULAN MANG UMABOT SA KAMATAYAN NG MGA ITO, NA NANGYARI NA NGA KAMAKAILAN LANG SA CONCERT ARENA NG MALL OF ASIA.

HINDI NA KAILANGANG IPALIWANAG PA ANG LAWAK NA SAKLAW NG PAGKASANGKOT NG AMERIKA SA PAGKALAT NG DROGA SA BUONG DAIGDIG. SA BANSANG IYAN NAGSIMULA O NAGKAUGAT ANG BISYONG ITO. PATI  ANG PAGGAMIT NG MGA “MUSIC FESTIVAL” TULAD NG “WOODSTOCK ” NOONG DEKADA ‘70 AY GINAWANG PANTAKIP NG MGA ADIK UPANG MATABINGAN ANG TUNAY NILANG LAYUNIN – ANG TODO-TODONG PAGWAWALA NA UMABOT PA SA PAGHUBAD AT “OPEN SEX”... NA KALAUNAN AY GINAYA NG MGA KABATAAN SA EUROPE, NA GINAYA NA RIN NGAYON NG MGA PILIPINONG TIWALI SA PAMAMAGITAN NG PAG-SPONSOR NG MGA “ROCK CONCERTS” NA “TIYANGGE” PALA NG DROGA! SA NGAYON UMABOT NA SA $13T ANG GINAGASTOS NG AMERIKA UPANG MASUGPO ANG BISYO, NA SA HALIP MABAWASAN AY LALO PANG LUMALALA. SA KABILA NG KATOTOHANANG YAN, HINDI NA NAHIYA SI OBAMA SA PAGBATIKOS KAY DUTERTE UPANG MASAWATA ANG DROGA SA PILIPINAS!

NGAYON, DINUDURO SI DUTERTE NG MGA BANSANG PINANGGALINGAN MISMO NG BISYONG SUMISIRA SA KINABUKASAN NG MGA KABATAANG PILIPINO DAHIL SA GINAGAWA NIYANG PAGWALIS NG IKINALAT NITONG “DUMI” SA BUONG BANSA …AT GINAGATUNGAN PA NG MGA PILIPINONG TINGIN SA SARILI AY MALINIS AT MAKA-DIYOS!...DAHIL DIYAN BABANGGITIN KO NA NAMAN ANG KASABIHANG, “SA PAGDURO NG ISANG TAO SA KAPWA NIYA, HABANG ANG NAG-IISANG DALIRING HINTUTURO AY NAKATURO SA TAONG INAAKUSA NIYA, ANG TATLONG NAKATIKLOP NAMAN AY NAKATURO SA KANYA!...NA ANG IBIG SABIHIN AY, HABANG MAINGAY SIYA SA PAG-AKUSA SA IBA, TAHIMIK NAMAN SIYA TUNGKOL SA MAS MARAMI NIYANG PAGKAKAMALI KAYA NAKATIKLOP ANG TATLONG DALIRING NAKATURO SA KANYA!