Showing posts with label Social Security System. Show all posts

0

Ang Kahinaan ng Social Security System (SSS) ng Pilipinas

Posted on Monday, 16 January 2017

ANG KAHINAAN NG SOCIAL SECURITY SYSTEM (SSS)
NG PILIPINAS
Ni Apolinario Villalobos


SA INTERBYU NA GINAWA SA ISANG OPISYAL NG SSS, INAMIN NITO NA 40% LANG NG DAPAT SINGILIN ANG TALAGANG NASISINGIL O NAGRE-REMIT NG CONTRIBUTION, KAYA ANG IBIG SABIHIN AY 60% NA CONTRIBUTION O MGA REMITTANCE ANG “NAPABAYAAN”. ITO ANG DAHILAN KUNG BAKIT DELIKADONG LAKIHAN ANG DAGDAG SA PENSION, DAHIL SIGURADONG MAKALIPAS LANG ANG ILANG TAON AY MAUUBOS NA ANG PONDO. MALINAW NA TINUTULUGAN NG SSS ANG DAPAT NILANG GAWIN, LALO PA AT TILA NAKIKITAAN ITO NG PALPAK NA SISTEMA. SANA INAMIN NA LANG NG ININTERBYU NA INUTIL SILANG MGA OPISYAL NG SSS DAHIL SA KAHINAAN NILA SA PAGGAWA NG MAGANDA AT EPEKTIBONG SISTEMA AT PAGPAPATUPAD NG MAHIGPIT NA PANININGIL.

UPANG MABAWI DAW ANG KAKARAMPOT NA DAGDAG NA 2THOUSAND PESOS NA IBIBIGAY NG TWO INSTALLMENTS SA MGA SENIOR CITIZENS, KAILANGANG MAGDAGDAG NG CONTRIBUTION. ITO ANG PINAKATANGANG SOLUSYON DAHIL ANG DAPAT GAWIN AY PILITING MASINGIL  ANG MGA HINDI PA NASISINGIL NA 60%. SA HOUSING PROGRAM NITO, MARAMING FORECLOSED PROPERTIES, BAKIT HINDI RIN ITO BIGYANG PANSIN, PATI ANG MGA NAKATIWANGWANG NA LUPAIN BILANG ALTERNATIBONG PANGGAGALINGAN NG PONDO?

ANO ANG MANGYAYARI KUNG MAGDAGDAG NA NAMAN NG CONTRIBUTION?...EH, DI SIGURADONG HINDI RIN MAKAKASINGIL NG BUO DAHIL SA PALPAK NA SISTEMA AT KATAMARAN NG SSS!


SIGURADONG HANGGANG 40% NA NAMAN LANG ANG MASISINGIL KAYA ANG KAWAWA AY ANG MGA AKTIBONG MIYEMBRO LALO NA ANG MALILIIT DAHIL ANG MGA PROBLEMA AY ANG MGA KAWATAN NA EMPLOYERS AT ANG SSS MISMO!

0

Social Security System (SSS) is trying its best, except in one policy

Posted on Wednesday, 24 August 2016

SOCIAL SECURITY SYSTEM (SSS) IS TRYING ITS BEST,
EXCEPT IN ONE POLICY
By Apolinario Villalobos

The one policy of the SSS that applicants abhor is on the release of membership ID cards. For one thing, it takes a very long time before an applicant receives his or her membership ID card. Another thing is the rule about sending them to the address of the applicant by mail. Now, that’s where the problem lies because due to poverty, many applicants cannot afford a decent boarding house with postal address. Many of them live in slums where hovels are makeshift and unregistered, hence, not numbered for postal reference. Some even live under bridges and beside creeks. So what address does the SSS expect from these impoverished applicants who join long queues to get an SSS membership number that they need, being required by all employers?

SSS should assign a dedicated desk for the release of cards or integrate the function with that of their Help Desk if they have any. If the applicants have been patient in toeing the line to apply for the membership number, they surely has time to go back to pick up the card at the same office where they filed their application. The agency can also post a list of cards ready for pick up, at a designated area within the lobby or the reception area or anywhere the agency wishes, within their premises. The list may also be published in their website, to avoid unnecessary personal query on the part of the members.




0

Ang isyu sa Dagdag-Pensiyon at si Binay...kung suwertihin nga naman!

Posted on Friday, 15 January 2016

Ang Isyu sa Dagdag-Pensiyon at si Binay
…kung suwertehin nga naman!
Ni Apolinario Villalobos

Ngayo’y may taong masaya, abot tenga ang ngiti
Dahil umaayon ang mga pagkakataon sa kanya
Hindi man siya mag-ingay o magsalita sa radyo
Tiyak lilipat ang pansin sa kanya ng mga Pilipino.

Ang kay tagal inasam-asam na dagdag sa pensiyon
Pag-asang hinintay at kung ilang taong pinagdasal
Na sana ay makamit dahil ito nga ay napakahalaga
Subali’t sa isang pirma lang ito ay nalusaw - nawala!

Si Binay ay napakasaya, si Mar nama’y natataranta
Paulit-ulit man niyang banggitin ang “daang matuwid”
Kulelat pa rin kaya nahihilo’t walang malamang gawin
Dahil mga Pilipino… sa kanya ay hindi na pumapansin!

Bakit o bakit, hindi man lang ito naisip ng isang tao -
Na patung-patong na ang mga kapalpakang ginawa?
Ang maliit na halagang ipinagkait sa mga pensiyonado-
Ay magiging bangungot at laging nakabuntot na multo!

Nakalimutan ba nila na ang alas ni Binay ay mga senyor?
Nakalimutan ba nilang may free birthday cake sa Makati?
At ito ay ibinibigay sa mga senior citizen tuwing bertdey?
Ngayon, sino baga ang naalimpungatan….?
Eh, di si Mar at may-akda ng “tuwid na daan”!


0

Ang Kawawang Kalagayan ng Maraming Pensiyonado ng Social Security System (SSS) ng Pilipinas

Posted on Thursday, 14 January 2016

Ang Kawawang Kalagayan ng Maraming Pensiyonado
ng Social Security System (SSS) ng Pilipinas
Ni Apolinario Villalobos

Kawawa talaga ang kalagayan ng karamihan sa mga pensiyonado ng Social Security System (SSS) ng Pilipinas. Sa isang banda, ang hindi kawawa ay ang mga dati nang may kaya sa buhay bago nagtrabaho at ang mga namuno sa SSS mismo na milyon-milyon ang sweldo. Ayon sa balita, ang SSS ay may 7 Senior Vice-Presidents at 16 Vice-Presidents. Ang mga sweldo at bonus nila ay milyon-milyon din daw, pati ang mga allowances na kasama ang gastusin para sa mga alagang hayop o pet at grocery. Wala ring aalalahaning problema sa pensiyon ang mga kurakot na opisyal ng gobyerno dahil kapag nag-retire na ay siguradong milyon-milyon  na rin ang naipon nila na kayang ipamana maski sa mga apo sa tuhod.

Samantala, ang mga nag-retire nang mga miyembro ng SSS ay nagtitiis sa barya-baryang pensiyon. Nauunawaan naman ang sistemang binabatay ang pensiyon sa buwanang naiambag ng miyembro, kaya mayroong nagpepensiyon ng minimum na mahigit lang ng kaunti sa isang libo kada buwan dahil sa ikli ng panahon ng pag-ambag at kaunting halagang naiambag. May iba pang batayan sa pagminuta o pag-compute ng pensiyon kaya lumalabas na ang iba, kahit ang dating trabaho ay foreman ng mga kargador sa pantalan ay mahigit sampung libo ang pensiyon kung ihambing sa ibang manager na mahigit lang sa 7,000 pesos.  Ang masakit nga lang ay ang katotohanang nagpabaya ang SSS sa paglikom ng mga naiambag ng mga empleyado na kinaltas ng kanila-kanilang switik na mga employer kaya hindi lumalago ang pondo upang maging batayan sa pagpalaki rin ng pensiyon ng mga retirado. Kadalasan din, ang mga aktibo pa sa trabaho ay hindi rin malapag-loan dahil hindi nire-remit ng kanilang switik na employer ang kanilang contribution. Ayon sa balita ay wala pang 40% ang pinakahuling nalikom ng ahensiya batay sa kabuuhan ng mga miyembro, na sa kasalukuyan ay umaabot na sa 31milyon.

Nangangamba daw ang SSS dahil pagdating ng 2029 ay maaapektuhan ang pondo kung ibibigay sa 2milyong pensiyonado ang 2 libong pisong dagdag sa bawat pensiyon kada buwan kaya hindi inaprubahan ni Pnoy Aquino. Ayon naman sa gumawa ng panukala sa Kongreso na si Cong. Colmenares, dapat nga raw ang minimum na pensiyon ngayon ng retiradong miyembro ay 7,000 pesos. Marami daw namang paraan upang mahabol ang pagpalago ng pondo nito, tulad ng nabanggit nang  pagpapa-ibayo pa sa paglikom ng mga ambag, at pag-streamline o pagbawas ng mga “top-level managers” na malamang ay nagkakapareho o nag-ooverlap  ang mga responsibilidad. At lalong higit ay ang pagbawas ng mga nakakalula nilang allowances at mga bonus!

Sa Pilipinas, ang mga retirado ay hindi nabibigyan ng pagkakataong maging empleyado pagtuntong ng ika-60 na taong gulang. Ang may gulang na 40 nga ay itinuturing nang “overaged” ng ilang employers. May iilang nai-extend ang trabaho subalit hindi na regular ang status nila kundi “Consultant” hanggang umabot sa gulang na 65, kaya ang turing sa suweldo nila ay “Consultancy fee” na wala na ring benepisyo tulad ng allowances na kung tawagin ay “perks”. Ito yong mga nasa “senior management level” na ang saklaw ay mula manager hanggang Senior Vice-president, pero ang mga performance bago mag-retire ay namumukod-tangi, o yong may mga dating responsibilidad na napakahalahaga sa pagpapatakbo ng negosyo o opisina. Ang mga nasa supervisory at rank-and-file level naman ay napakanipis ang pag-asang ma-extend bilang “Consultant”. Ang matindi pa, malimit ay hindi agad naibibigay ang retirement o separation pay kaya ang pag-follow up lang at pamasahe ay problema din. Dahil sa mga nabanggit, pagkatanggap ng separation pay o pensiyon ay makakaltasan na agad ng pambayad sa mga inutang na pamasahe at panggastos sa pamilya nang panahong nagpa-follow up ang nag-retire!

May nakausap akong retirado na ang ginagawa ay hinahati ang tabletang gamot na nireseta ng doktor upang tumagal kaysa naman daw mawalan siya ng maiinom dahil hindi kasya ang kanyang pensiyong pambili. Ang iba naman ay hindi na komukunsulta sa doktor kahit masama ang pakiramdam dahil mababawasan ang badyet na pambili ng pagkain. Ang iba pa ay dalawang beses na lang kumakain sa isang araw, at sa halip na isaing ang bigas ay nilulugaw na lang. Nang tanungin ko kung bakit minimum lang ang pensiyon nila, ang sagot sa akin ay dahil hindi permanente ang trabaho nila noon, mabuti nga daw at nakumpleto pa nila ang pag-ambag sa SSS hanggang sa sila ay mag-retire. Hindi naman daw sila nagkulang ng pagpursige sa paghanap ng trabaho subalit talagang wala daw silang makita noong kalakasan pa nila. May mga retirado akong nakausap na nagsabing kapag namamasyal sila sa park o mall ay may bitbit silang mga shopping bag na malaki o backpack para lagyan ng mga junks na mapupulot, lalo na plastic na bote ng mineral water o lata ng soft drinks dahil kahit papaano ang maliit na kita sa mga ito ay nakakatulong din.

Sa mga mauunlad na bansa, kahit malaki  ang kaltas sa suweldo ng mga empleyado para sa buwis at ambag sa social security ay sigurado naman ang mga benepisyo nila dahi ang pagpapa-ospital, gamot, at pagpapa-aral sa mga anak ay libre. Ang ibang hindi gaanong maunlad na bansa naman ay maliit ang kinakaltas sa suweldo para sa buwis at social security, na ang pinakamalaki ay hindi umaabot sa 20%, subalit magaganda pa rin ang kanilang mga benepisyo. Sa Pilipinas naman, ang kinakaltas sa suweldo ng mga empleyado ay mahigit 30% subalit wala halos katumbas na matinong benepisyo. Ito yata ang sinasabi ng pangulo ng bansang si Benigno S. Aquino III na “matuwid na daan”….at saan naman patungo?....sa pagkagutom?

Mahirap talagang magkaroon ng presidenteng hindi nakadanas ng kahirapan sa buhay. Ang problema sa pensiyon ng SSS ay dumaan din sa ilalim ng nakaraang mga administrasyon, at lalong lumala sa panahon ni Pnoy Aquino ngayon. Kung sa halip na puro sisi ang ginagawa niya sa nakaraang administrasyon ay nagpakasipag na lang siya bilang presidente, sana kahit kapiraso ay may maipagpasalamat sa kanya ang mga Pilipino.