Showing posts with label human rights. Show all posts

Ang Pag-abuso sa mga salitang “ Karapatang Pangtao” (Human Rights)

By Apolinario Villalobos

Maraming Pilipino ang nagmamagaling at nagmamarunong tungkol sa “human rights” ganoong sila mismo ay hindi nagrerespeto nito. Sila ang mga ipokritong human rights advocates….mga walang hiyang mapagkunwari. Akala nila ang tinatawag na “human rights” ay hanggang sa karapatang mabuhay lamang. Ang hindi nila alam dahil sa kanilang katangahan, pati ang pambabarat kapag bumili ng isang bagay mula sa isang mahirap na tindera ay may kaakibat nang “human rights”. Ang isang may kaya sa buhay ay hindi na dapat tumatawad kapag bumili sa mga nagtitinda sa bangketa halimbawa, o di kaya ay mga nagtitinda na ang ginagamit ay kariton na nag-iikot sa mga subdivision. NAPAKARAMI kong alam na ganyan ang ugali, mga nakatira pa sa mga mararangyang subdivision pero kung baratin ang nagtitinda na maghapong nagtutulak ng kariton ay ganoon na lang. Tinatakot pa ang iba na kung hindi sila pagbibigyan ay irereklamo sila (mga nagtitinda) sa barangay upang hindi na papasukin. MGA WALA SILANG KONSIYENSIYA DAHIL KAKARAMPOT NA KIKITAIN SANA NG MALILIIT NA NAGTITINDA AY TILA NINANAKAW PA NILA!

Maraming saklaw o concern ang “human rights” at ang simpleng paalala tungkol sa mga ito ay, “nagtatapos ang karapatan ng isang tao, kapag lumampas siya sa kanyang hangganan at tumapak sa karapatan ng iba”….sa Ingles, “one’s rights end where the rights of others begin”. Para sa akin, ang isang magnanakaw na naaktuhan sa loob ng bahay kaya napatay ng may-ari ng bahay ay walang karapatang mabuhay….o di kaya ang isang drug pusher na sumira sa buhay ng maraming kabataan at gumawa pa ng ibang krimen tulad ng panggagahasa ay walang karapatang mabuhay. At, ang mga yudiputang mga kriminal na ito, kapag nahuli ay may lakas pa ng loob na humingi ng tulong sa Public Attorney’s Office (PAO), na ang mga abogado ay sinusuwelduhan ng taong bayan…all for the sake of “due process” na bukam-bibig naman ng mga ipokritong mga human rights advocates!

Ang hirap kasi sa iba, kapag nahuling nag-shoplift halimbawa sa grocery, ang idadahilan ay mga anak na nagugutom….ang tanong ko diyan ay kung bakit nag-anak sila ng marami ganoong hindi naman pala niya kayang buhayin….nagpakalibog sila at pagkatapos ay walang pakialam kung ang anak nila ay lumalaking nanlilimahid. Marami akong na-check na ganyan ang istilo ng pamumuhay at na-shock ako nang malaman ko na may mga mag-asawang ang “hanapbuhay” ay panloloko sa kapwa o swindling at pagnanakaw. At, habang lumalaki ang mga anak ay ginagamit  rin nila sa masama nilang gawain.

Ang mga nang-iiskwat ay abusado rin pagdating sa “human rights”. Alam nilang hindi kanila ang lupang iniiskwatan, subalit hindi sila naghahanda para sa susunod na gagawin kapag pinaalis na sila, at sa halip ay nagsisigaw ng “mayaman lang ba ang may karapatang mabuhay?” kapag pinaalis na. May mga bahay sa squatter’s area na aircon at kumpleto sa iba pang mga gamit tulad ng flat tv, 2-door ref, mga sala set at kamang mamahalin. Ibig sabihin, kaya ng ilang iskwater na mag-ipon ng perang pambili ng kahit 50sqm. na lupa sa mga bahagi ng Bulacan, Cavite, at Laguna. Ang pinakamasama pa ay ang pagiging “professional squatter” ng ilan. Nang-iiskwat sila kahit saan pwedeng iskwatan, patatayuan ng maliit na barung-barong at pauupahan. Ang isang uri pa ng pagiging professional squatter ay pagtanggap halimbawa ng offer ng gobyerno na mailipat sila sa relocation site. Pagkalipas ng ilang taon ay babalik sa lunsod at mang-iiskwat uli, samantalang ang bahay sa relocation site ay pauupahan.

Hindi ako anti-poor. Galit ako sa mga taong umaabuso ng “human rights” at mga puitikong gumagamit sa kanila. Galit din ako sa mga mapagkunwaring human rights advocate kuno, regular pang nagsisimba kung saan mang sambahan nila pero ang simpleng karapatan ng kanilang kasambahay ay hindi marespeto dahil palagi nilang minumura….at kung mamili sa mga sidewalk vendors ay daig pa ang timawa kung tumawad!

Paalala lang sa mga taong mahilig pumapel….bago magsisigaw ng human rights ng mga iskwater, drug pusher, magnanakaw, at iba pang kriminal ay mag-isip muna ng ilang daang beses para hindi magmukhang tanga! Alam ng mga kapitbahay ninyo ang ugali ninyo kaya siguradong pinagtatawanan kayo kapag nakabasa ng mga mapagkunwaring comments ninyo sa facebook tungkol sa bagay na ito.

AT, HIGIT SA LAHAT, ALAM NG NASA ITAAS KUNG ANO ANG MGA KATARANTADUHANG GINAGAWA NINYO AT PILIT NINYONG PINAGTATAKPAN NG PALUHUD-LUHOD SA SIMBAHAN, PAKOMUNYON-KUMONYON, PADASAL-DASAL NG ROSARYO, AT PASIGAW-SIGAW NG HUMAN RIGHTS NG MGA KAWATAN AT DRUG PUSHER DAHIL PARA SA INYO AY TAO DIN SILA AT MAY KARAPATANG MABUHAY…ISANG ADBOKASIYA NG BULAG, BINGI AT KAPALMUKS!...IBIG SABIHIN, WALANG KONSIYENSIYA!

Ang “Human Rights” Kuno

na Pinaglalaban ng Ilang Pilipino

Ni Apolinario Villalobs

Ang “human rights” kung Tagalugin ay “karapatang pangtao”, ibig sabihin ay para sa tao. Sa madaling salita, hindi ito angkop sa mga taong ang ugali ay mala-hayop. Kabilang diyan ang mga rapists, mamatay-tao, holdaper, kidnapper, lalo na mga drug addict na ay pusher pa at mga drug lords. Nawalan sila ng karapatang “makatao” nang gumawa sila ng karumal-dumal na krimen sa kanilang kapwa. Pasalamat sila at kahit papaano ay may batas na nagpo-protekta sa kanila kaya sinasabi ng mga kapanalig nila na dapat ay dalhin sila sa husgado upang patunayan nilang wala silang kasalanan. Ibig sabihin, kahit naaktuhan silang gumawa ng masama kaya pinatay ng nagtanggol sa sarili, ang may kasalanan ay ang nag-self defense pa!

Bago umupo si Duterte ay kalat na ang balita tungkol sa “recycled drugs” na pinabebenta sa mga scavengers, driver, at cigarette vendor ng mga tiwaling pulis sa kalye. Ang mga mahuli namang pusher ay napapakawalan dahil sa “technicalities” ayon naman sa mga tiwaling huwes. Yan ang dahilan kung bakit namamayagpag ang krimen sa Pilipinas dahil talagang “bulag” ang hustisya. Pwedeng sabihin ng iba na wala tayong magagawa dahil nasa ilalim tayo ng demokrasya…fine, pero sana naman ay hindi dumating ang panahong ang nagsasabi nito mismo ang maging biktima ng mga kriminal!

Ang mga sumusunod ay ilan lang sa mga karumal-dumal na nagawa na ng mga kriminal na pilit pinaglalaban ng mga kapanalig nila sa ngalan ng “human rights”:

Nang mabalita ang resulta ng imbestigasyon ng NBI tungkol sa kamatayan ng nakakatandang Espinosa sa loob ng kulungan at lumabas na “rubout” ang nangyari, maraming text messages ang natanggap ng radio station na nagbalita. Ang mga text ay mula sa mga taga-Samar na nagsabing talagang salot sa buong Samar ang mag-amang Espinosa at nalulungkot sila na maraming hindi nakakaalam ng istorya nila sa Samar. Sa tagal daw ng panahong kontrolado sila ng mag-ama, kalat na kalat ang droga kaya sila yumaman. Dapat nga daw, pati si Kerwin ay patayin na rin.

Ang palaging sinasabi ng mga ungas, dapat daw ay  mga drug lords ang habulin upang makasuhan, sa halip na ang mga drug addict at drug pusher. Paanong hulihin at kasuhan ang mga demonyong drug lords na nasa Bilibid na, pero hanggang ngayon ay nakakapagtransaksyon pa ng droga dahil sa iba’t ibang paraan kahit walang cellphone? Kaya nga ang gusto SANA ni de la Rosa na itigil na rin ang dalaw sa mga ito dahil ang mga bisita nila ang binibigyan na nila ng instruction, pero pag ginawa yan, papalag na naman ang “human rights” advocates….at kontrabida na naman siya at si Duterte! At, paanong hindi sawatahin ang mga drug pushers at drug addicts na ang ginawang pagsuko noong kasagsagan ng panawagan sa kanila ay “palabas” lang pala kaya balik na naman sila sa dating ginagawa?

Madali para sa iba ang magsalita at pumanig sa mga human rights advocates at mga kriminal dahil hindi sila direktang nabiktima, o di kaya kapamilya o kaibigan man lang nila. Wala rin silang nakita, kundi nabasa lamang sa diyaryo at narinig sa TV o radyo. Kaya para sa kanila ay madaling magsabing dapat bigyan ng pagkakataong “makatao” ang mga kriminal na sumira sa buhay ng mga taong nananahimik. Pwede ba ang mga kriminal na ito sa karapatang pangtao lamang, gayong masahol pa sila sa hayop dahil sa mga ginagawa nila?

Ang mga nabanggit na kriminalidad ay nasaksihan ko o sinabi sa akin ng mga kaibigan kong kamag-anak ng mga adik mismo na gumawa ng mga kademonyuhan.

PAANO KAYA KUNG ANG PILIPINAS

AY PAMUNUAN NG MGA OBISPO AT HUMAN RIGHTS GROUPS?

Ni Apolinario Villalobos

Ang mga naunang tumira sa mga isla ng Pilipinas ay galing sa iba’t ibang rehiyon ng Asya noong unang panahon kaya hanggang ngayon ay maraming mga dialect ang ginagamit ng mga Pilipino. Ang mga ninunong dating sumasamba sa kalikasan ay na-convert ng mga Muslim Imam na galing sa Arabya at prayleng Katolikong galing sa Espanya, kaya “nagkaroon kuno” sila ng Diyos. Pinalitan ang mga Kastila ng mga Amerikano, kaya nagkaroon ng mga Protestante at maliban sa dala nilang relihiyon ay ipinilit nila ang paggamit ng sistema nila sa pagpatakbo ng pamahalaan- ang “American Democracy”. Ang mga Pilipinong lider ay nagmadali na magkaroon ng kasarinlan na una nilang pinaglaban noong panahon pa ng Kastila, at bagama’t pinagbigyan naman ng mga Amerikano ay may pasubali, dahil marami pang mga hindi natutuhan kuno ang mga lider na ito kaya baka magkaroon ng mga problema pagdating ng panahon….na nangyayari na nga.

Sa pagkaroon ng kasarinlan, na-overwhelm ang mga Pilipinong lider kaya hindi gaanong nakontrol ang pagpatakbo ng gobyerno. Nagsimula ang korapsyon na may iba’t ibang mukha…naipon at namana naman ng kasalukuyang administrasyon na ang namumunong si Duterte ay nagsasabing hindi gaanong nabigyan ng bahagi ang mga Muslim ng Mindanao sa pagpapatakbo ng gobyerno kaya nag-aalburuto sila. Dahil diyan, kailangan na daw baguhin ang sistema ng gobyerno, na dapat ay gawin nang “pederalismo” na angkop sa uri ng kultura ng mga Pilipino at sitwasyon ng kabuuan ng bansa na watak-watak dahil binubuo ng mga isla. May mga nag-aalala na baka wala pa ring pagbabagong mangyayari dahil “ililipat” lang ang mga korap na mga opisyal mula sa kongreso at senado na parehong nasa Maynila sa kani-kanilang lalawigan o lunsod dahil sa napakalalim nang pagkakaugat ng “political dynasty”.

Dahil mahahati na ang bansa sa mga maliliit na rehiyon (region/states) kung ang sistema ng pamahalaan ay pederalismo na…paano kaya kung ang mga ito  ay magkaroon na lang ng Konseho (Council) na ang mga miyembro ay mga Obispo at mga grupo ng mga human rights advocates? Ang mga Obispo ay matatakot sa paggawa ng masama dahil makikita kuno sila ng Diyos nila. Ang mga human rights groups naman ay maninigurong walang kriminal na mapapatay.  Ang mahuhuli ay “aalagaan” sa loob ng mga kulungan habang dinidinig ang kanilang kaso. At dahil ang adbokasiya ng mga grupong ito ay “karapatang pangtao”, ang ipapakain sa mga kriminal na nakakulong ay mga “pangtaong” pagkain, yong tipong maski nakakain sa karinderya man lang, hindi tulad ng mga “pagpag” na pinupulot ng mga scavengers sa basura bilang pantawid gutom. Ang “pagpag” ay mga tirang pagkain mula sa fastfood chains at mga restaurant– mga tirang kanin, mga buto ng fried chicken na may nakadikit pang kapiranggot na karne, tinapay na hindi pa inaamag, etc.

Subukan na lang siguro ang nabanggit na sistema dahil gustong ipahiwatig ng mga Obispo at human rights advocates na mas marami silang alam kaysa mga ibinoto ng mga mamamayan, tulad ni Duterte. Wild dream pa lang ito dahil hindi pa sigurado kung matutuloy dahil tila “madugo” ang usapin….na ang katunayan ay ang muntik nang pagbalugbugan ng dalawang kongresista na galing sa probinsiyang nahati sa dalawa – ang Surigao.

ANG KARAPATANG PANG-TAO

Ni Apolinario Villalobos

NAKAKAINIS AT MASAKIT SA TENGA ANG PAULIT-ULIT NA SINASABI NG MGA GALIT KAY DUTERTE TUNGKOL SA “KARAPATANG PANG-TAO” NA NAWALA KUNO DAHIL SA SUNUD-SUNOD NA PAGPATAY SA MGA DRUG ADDICT, DRUG PUSHER, AT DRUG LORDS NA ANG MAY PAKANA AY SIYA (DUTERTE) KUNO.

NOONG HINDI PA PRESIDENTE SI DUTERTE, ANO ANG GINAWA NG MGA IPOKRITONG SUMISIGAW NG “KARAPATANG PANG-TAO” TUNGKOL SA MGA SUMUSUNOD:

LAHAT NG MGA ISINAAD SA ITAAS AY SUMASAKLAW SA KARAPATANG PANG-TAO. SA TAGAL NG PANAHONG PAPALIT-PALIT ANG PRESIDENTE NG PILIPINAS, SILA AY NAIPON DAHIL HALOS WALANG GINAWA UPANG SILA AY MATIGIL O MABAWASAN MAN LANG, KAYA NANG UMUPO SI DUTERTE, ANG NADATNAN NIYA AY HALOS NAAAGNAS NANG SISTEMA NG GOBYERNO AT KULTURA NG MGA PILIPINO.

NGAYONG NAGSISIMULANG “MAGLINIS” SI DUTERTE NA INUMPISAHAN NIYA SA PAGPIGIL NG PAGLALA NG SALOT NA DULOT NG DROGA, BASTA NA LANG SISIGAW ANG MGA IPOKRITO NG “KARAPATANG PANG-TAO?”…MAY KONSIYENSIYA O NAG-IISIP KAYA ANG MGA TAONG ITO? …O BANGAG SA KAHANGALAN!

Panahon na Kaya Upang Buwagin ang

Commission on Human Rights?

Ni Apolinario Villalobos

Personally, wala pa akong nalamang may ginawang kapaki-pakinabang ang Commission on Human Rights (CHR). Ang napansin ko pa, kung may isyung matunog, saka ito pumapapel upang makisalo sa interes ng madla…yon bang gigitna din sa eksena upang masapol ng limelight at mga camera.

Nabahaw na lang ang isyu sa masaker ng 44 na miyembro ng SAF sa Mamasapano, Maguindanao, ay hindi man lang naringgan ng pahayag ang Komisyon na ito. Dahil kaya nananantiya at tila maraming masasagasaan lalo na ang Presidente? Kahit pa sinabing may mga kakasuhan daw na kung ilan ang  DOJ – mga sundalo at mga rebelde, subali’t, ano naman ang ginawa ng CHR?

Nabaon  na lang din sa kalimot ang Maguindanao Massacre ay wala ring narinig na maski paswit o matinis na sipol man lamang mula sa Komisyon na ito. Ang mga Ampatuan ay tila maaambunan ng grasya, kaya ang iba ay nakapag-piyansa na, at napapansin na rin ang kaluwagan sa kanila. Ano pa ang aasahan ng mga mahal sa buhay ng mga biktima kung ganito rin lang ang mangyayari? Wala bang “human rights” ang mga biktima at mga naghihinagpis na mahal nila sa buhay?

Ang mga iskwater na inilipat sa mga relocation sites na wala naman palang mga pasilidad na kailangan upang mabuhay ng maayos ay lalo pang naghirap, kaya ang iba ay nagsibalikan sa lunsod kung saan ay may mapupulot na basura upang ibenta…at upang may maipambili ng pagkain. Hindi ba “human rights” ang mabuhay kahit sa paraang isang kahig isang tuka? Hanggang tungkol lang ba sa mga bagay na may kinalaman sa pagpatay ang pakikialaman ng Komisyon na ito?

Ang mga Badjao at mga nagra-rugby na mga kabataang nagkalat sa kalye at bangketa, bakit hindi pakialaman ng CHR, ganoong nakita namang inutil din pala ang Department of Social Welfare pagdating sa bagay na ito? Hindi pakikialam kung sumawsaw ang Commission on Human Rights sa mga gawaing para sa mga tinukoy na mga taong dapat tulungan, kundi isang “pakikipagtulungan” sa mga ahensiyang dapat ay may direktang responsibilidad tulad ng Department of Social Welfare at mga local government units. Bakit hindi inspeksiyunin ng Komisyon na ito ang mga rehabilitation facilities ng mga local government units para sa mga kabataan? Baka ang iba ay wala pa ngang maayos na pansamantalang tirahan ng mga kabataan, kaya ang  “social welfare office” ng ibang local government units ay hanggang referral lang, kahit may malaking budget naman!

Ang mga biktima ng mga illegal na recruiters, bakit hindi asikasuhin ng CHR, lalo pa at hindi pa sila miyembro ng OWWA? Ang mga nabibiktimang OFW sa ibang bansa, bakit ayaw pakialaman ng CHR sa tulong ng kanilang international counterpart? Akala ko ba, bawa’t bansa ay may Commission on Human Rights. Bakit hindi sila naririnig tuwing may dumadaing na mga Pilipinong OFW na pinagmalupitan ng mga amo nila sa ibang bansa? Ang mga hindi makauwi dahil tumakas lang sa pagmamalupit ng mga amo kaya nagbebenta ng laman upang makaipon ng pamasahe…bakit hindi tulungan ng CHR?

Pagdating ng panahon, siguradong mababanggit  sa mga pahina ng kasaysayan ng bansang Pilipinas, na minsan ay may pangulong nagtalaga ng mga tao sa Commission on Human Rights, sa ilalim ng kanyang administrasyon, pero wala palang nagawa…