Dasal para sa Kampanyahan at Eleksiyon 2016 sa Pilipinas
Posted on Sunday 27 March 2016
Dasal
para sa kampanyahan
at
eleksiyon 2016 ng Pilipinas
Ni Apolinario Villalobos
Oh, Diyos na makapangyarihan sa lahat
Naglalang sa lahat ng bagay at may buhay sa
mundo
Darating na naman ang panahon ng
pangangampanya
Susundan ng eleksyon 2016 na inaabangan ng
buong bansa.
Ipag-adya nyo po kami sa mga sinungaling
Silang nangangako ng langit, ang mukha ay
makapal
Sila na ang mga labi ay may pilit at
permanenteng ngiti
Sila na maya’t maya ang pagpahid ng alcohol
sa mga pisngi.
Ipag-adya nyo po kami sa pang-aakit nila -
Gamit ay nakaw na yaman mula sa kaban ng
bayan
At bungkos ng salapi na sa harap nami’y
iwawagayway
Na ang kapalit nama’y walang katiwasayang
pamumuhay.
Harinawa naman na ang ibang malilinis pa
Ay hindi matulad sa mga bantad sa mga
katiwalian
Silang malinis ang mga layunin ang tangi
naming pag-asa
Upang mabawasan man lang kahit kaunti ang
aming dusa.
Hinihiling namin ang mga ito sa ngalan ni
Hesus
Na ang pagpapakasakit at pagkamatay sa krus
Ay may layuning iligtas kami sa mga
kasalanan -
Utang na loob namin sa Kanyang walang
hanggan.
Amen!
Discussion