Walang Landas na Hindi Kayang Tahakin

(para kay Josephine Cosca- Taylor)

Ni Apolinario Villalobos

Anumang landas ang ating hinaharap

Ito man ay baku-bako, matinik o paahon

Makakaya natin itong tahakin

Kung sa dako doo’y ating tanawin

Ang pag-asa na siyang dahilan ng pagsisikap

Humahatak sa atin, tungo sa mga pangarap.

Huwag lang tayong mawalan ng pag-asa

Ang loob ay lakasan sa lahat ng pagkakataon

Pananalig sa Kanya ang pairalin

Mga agam-agam ay huwag pansinin

Upang lakas ay lalo pang sa atin ay lumukob

At bigat sa balikat, sa atin ay hindi magpasubsob!