Ang Mga “Tags” ng Pilipinas

Ni Apolinario Villalobos

Siguro kung ihahalintulad sa blogging, ang Pilipinas ay masasabing maraming tags, tulad ng mga tiis-tiis, weather-weather, tuwid na daan, napoles, abuso, demolition, artista, corrupt politician, poverty, wishful success, pork barrel, baboy, baha, under the table, sacada, ill-gotten wealth…at napakarami pang iba.

Sa mga kuwentong narinig ko tungkol sa mga nagdaang presidente, nagsimula ang mga tagging o paglalagay ng madaling maalalang kataga noong panahon ni Magsaysay na malapit sa mga katutubo at mahihirap, kaya nauso daw ang kantang “Mambo-mambo Magsaysay”, na ginawang kanta sa kanya ng mga katutubo ng Zambales. Noong panahon ni Garcia, nauso ang “isang kusing” na binigyang halaga dahil nakakabili pa noon ng pagkaing tingi gamit ang isang sentimo o isang kusing. Noong panahon ni Macapagal, nauso ang batik na tela at damit dahil ang nakikita noong palaging pang- press release ay litrato niya na naka-batik, at kadalasan ay kasama niya ang mga pinuno ng ibang karatig na bansa sa southeast Asia. Noong panahon ni Marcos, nauso ang “what are we in power for”, Bagong Lipunan”, KM o Kabataang Makabayan. Noong panahon ni Joseph Estrada, lumutang ang “weather weather lang yan”. At noong panahon ni Gloria Arroyo, lumutang ang “hello garci”, at “I am sorry”.

Ngayong panahon ni Pnoy, palasak na ang mga salitang “sirit” (para sa soaring of prices), “tuwid na daan”, “kayo ang boss ko”, “napoles”, corruption, Student Council, DBM, pork barrel, kapit-tuko, at ang pinakamakulay – “tiis-tiis”. Hindi na makakalimutan si Pnoy, hindi dahil lahing bayani daw siya sabi ng mga kaibigan niya, kundi dahil sa gusto niyang mangyaring “tiis-tiis sa pagbagtas ng tuwid na daan”….marami palang tinik at lubak!