Ang Tsinelas
Posted on Tuesday, 1 July 2014
Ang Tsinelas
By Apolinario B Villalobos
Maraming klase nito, saan man, ating
nakikita
Kung mahal dahil imported, suot ito ng may
kaya
Nguni’t kung goma, gawa sa Pinas, ito’y
pandukha
Kaya sa katagalan, natanim sa ating isip
‘tong paniwala.
Pansapin sa paa, pang-proteksiyon ito wika
nga
Kaya sa paggamit nito, bigay ay talagang
ginhawa
Sa pagbago ng panahon, gamit para dito ay
iba-iba na
Maliban sa balat, merong goma, tela at
merong ding abaka.
Para sa mga kapos, kayamanan ito kung
ituring nila
Pag-iipunan pa ng matagal dahil sa konti
nilang kita
Kaya kung nagkaroon na nito, ang kanilang
ginagawa
Nililinis na mabuti, halos itabi sa kanila
sa oras ng pahinga.
Para sa nakakariwasa sa buhay, tsinelas ay
balewala
Subali’t para sa mga poor, katumbas nito ay ginhawa
Para sa mga poor na mga bata, okey na ito
pang-eskwela
Lalo na kung ang lalakarin sa pagpasok ay
kung ilang milya.
Para sa mayaman, ang tsinelas ay may gamit
din pala
Pero dapat ay yong klaseng mamahalin, ‘di
basta-basta
Dahil ito pala ang dapat ay suot-suot upang
madispley nila
Mga makukulay nilang kuko sa paa na inayos
ng manikurista!
Discussion